Muktainagar मुक्ताईनगरात गुटखा वाहतुकीवर धडक कारवाई, माजी नगरसेवक बबलू कोळी यांचं नाव समोर — १४.१६ लाखांचा मुद्देमाल जप्त; तिघांविरोधात गुन्हा दाखल

जळगाव न्यूज | मुक्ताईनगरात अन्न व औषध प्रशासन विभागाने (FDA) केलेल्या धडक कारवाईत तब्बल १४ लाख १६ हजार रुपयांचा प्रतिबंधित गुटखा, विमल पान मसाला आणि सुगंधी तंबाखूचा साठा जप्त करण्यात आला आहे. विशेष म्हणजे या प्रकरणात माजी नगरसेवक बबलू कोळी यांचे नाव समोर आलं असून शहरात खळबळ उडाली आहे.

ही कारवाई ब-हाणपूर–मुक्ताईनगर रस्त्यावरील पूर्णा नदी पुलाजवळ करण्यात आली. कारवाई दरम्यान टोयोटा इनोव्हा (MH 20 DF 5797) या वाहनातून गुटखा वाहतूक होत असल्याचं निदर्शनास आलं. FDA पथकाने पाठलाग करून वाहन थांबवले आणि तपासणी केली असता ८.१६ लाखांचा विमल पान मसाला व व्ही-१ तंबाखू, तसेच ६ लाखांचे वाहन असा एकूण १४.१६ लाखांचा मुद्देमाल जप्त करण्यात आला.

👥 फरार आरोपी – तिघांविरोधात गुन्हा दाखल

या प्रकरणी मुक्ताईनगरचे बबलू कोळी, अनुपम गोसावी आणि मध्य प्रदेशच्या इच्छापूर येथील रईस (पूर्ण नाव अज्ञात) यांच्याविरोधात मुक्ताईनगर पोलीस ठाण्यात गुन्हा दाखल करण्यात आला आहे. तिघेही आरोपी सध्या फरार असून त्यांचा शोध सुरू आहे.

🕵️‍♂️ गोपनीय माहितीवरून कारवाई

अन्न व औषध प्रशासन विभागाच्या पथकाला गुप्त माहिती मिळाल्यानंतर ही योजना आखण्यात आली. ही कारवाई अन्नसुरक्षा अधिकारी अविनाश दाभाडे (नाशिक) आणि किशोर बाविस्कर (जळगाव) यांच्या नेतृत्वाखाली करण्यात आली.

Chandrashekhar Bawankule शैक्षणिक दाखले, शपथपत्रासाठी स्टॅम्पपेपरची मागणी नियमबाह्य – महसूलमंत्री बावनकुळे यांची अधिकाऱ्यांना तंबी