जळगाव न्यूज विशेष | साकळी, ता. यावल: भारताचे पंतप्रधान माननीय नरेंद्र मोदी यांच्या वाढदिवसाचे औचित्य साधून साकळी (ता. यावल) येथील गौरीशंकर गोशाळेला मुक्या जनावरांच्या शुश्रूषेसाठी एक अत्यंत मोलाची व उपयुक्त भेट मिळाली आहे. आजारी, अशक्त व गंभीर जखमी गाईंवर वेळेत वैद्यकीय उपचार सुलभ व्हावेत यासाठी मनोहर अमृतलाल जयस्वाल (भैसालवाले) यांनी गोशाळेला गाय उचलण्याचे विशेष हाय-टेक मशीन सूपुर्द केले आहे.
पशुवैद्यकीय उपचारांमधील अडचण आणि दिलासा
गंभीर दुखापत, वृद्धत्व किंवा तीव्र अशक्तपणामुळे गाई बऱ्याचदा जमिनीवरून स्वतःहून उठू शकत नाहीत. अशा वेळी त्यांना सलाईन, इंजेक्शन, फ्रॅक्चरची मलमपट्टी किंवा अन्य पशुवैद्यकीय उपचार देणे पशुतज्ज्ञांसाठी अत्यंत जिकरीचे, धोकादायक व वेळखाऊ ठरते. हे लिफ्टिंग मशीन उपलब्ध झाल्यामुळे आता अशा खिळलेल्या किंवा बसलेल्या गाईंना सुरक्षितपणे सहज उभे करून अचूक उपचार करणे शक्य झाले आहे, ज्यामुळे गोशाळेच्या तांत्रिक अडथळ्यांवर मात मिळाली आहे.
दैवी गोसेवेला बळ व सन्मान
या मानवीय व सामाजिक उपक्रमाचे गांभीर्य व महत्त्व लक्षात घेऊन गोशाळेचे संस्थापक अध्यक्ष योगेश (आप्पा) खेवलकर यांनी मनोहर जयस्वाल यांचा आदरपूर्वक सत्कार करत आभार मानले. खेवलकर यांच्या मार्गदर्शनाखाली गौरीशंकर गोशाळा परिसरात मुक्या जनावरांची निस्वार्थ सेवा सुरू असून, या मशीनमुळे गोसेवेच्या या कार्यात मोठी सुलभता व गती आली आहे.
विस्तृत गोसेवा: जळगावात २० सह विविध राज्यांत साहाय्य
मनोहर जयस्वाल यांनी केवळ एकाच गोशाळेपुरते वा एकाच भागापुरते मर्यादित न राहता राजस्थान, गुजरात, मध्य प्रदेश आणि महाराष्ट्रातील अनेक गोशाळांमध्ये हे उपयुक्त मशीन पोहोचवले आहे. विशेष उल्लेखनीय व कौतुकास्पद बाब म्हणजे, केवळ जळगाव जिल्ह्यातील तब्बल २० गोशाळांमध्ये हे मशीन भेट देऊन त्यांनी मुक्या जनावरांच्या वेदनेवर फुंकर घालण्याचे महान कार्य केले आहे. त्यांच्या या परोपकारी व निस्सीम गोसेवेचे सर्वत्र कौतुक होत आहे.
.png)
0 टिप्पण्या