जळगाव न्यूज :-राजकारणातील शाब्दिक युध्द पुन्हा एकदा उफाळून आले आहे. भाजप नेते गिरीश महाजन आणि शिवसेना (उद्धव बाळासाहेब ठाकरे गट) खासदार संजय राऊत यांच्यात जोरदार आरोप-प्रत्यारोपाचे सत्र रंगले आहे. शिवसेनेच्या 'सामना' या मुखपत्रातून संजय राऊत यांनी गिरीश महाजन यांच्यावर जमिनी हडपणे, बँक व पतपेढ्यांमधील घोटाळे, टेंडर दलाली यासारखे गंभीर आरोप केले, तर त्याला उत्तर देताना महाजन यांनी संजय राऊत यांना "नैराश्यातून बोलणारा", "सनसनाटी निर्माण करणारा" म्हणून टोला लगावला.
🔥 संजय राऊतांचा आक्रमक हल्ला:
सामनातील लेखातून संजय राऊत म्हणाले की,
"गिरीश महाजन हा एक नंबरचा पळपुटा आणि डरपोक आहे. उद्या भाजपची सत्ता गेली, तर महाजन यांची उडी पहिल्यांदा लागेल. जमिनी हडप, बँका लुट, टेंडरबाजी करत दलाली गोळा करणारा नेता म्हणजे महाजन. सरकारने चौकशी सुरू केली, तेव्हा महाजन यांनीच सांगितलं की मी बाजूला होतो, पण चौकशी थांबवा."
राऊत पुढे म्हणतात की,
"जेव्हा सत्तेची खुर्ची नसते, तेव्हा हे सगळे बिलात लपतात. भाजपकडे आता स्वतःचं काहीच उरलेलं नाही. प्रफुल्ल पटेल सारखे लोक भाजपचे ब्रँड अ‍ॅम्बेसेडर झाले आहेत."
⚡ गिरीश महाजन यांचे प्रतिउत्तर:
महाजन यांनी राऊतांच्या टीकेला जोरदार प्रत्युत्तर दिलं.
"मी कुठेही खालच्या थराला जाऊन बोलत नाही. ते नैराश्यातून बोलत आहेत. मी शिवजयंती असो की राम नवमी – नाचतो, लेझीम खेळतो. श्रीरामप्रेमी आहे. संजय राऊत जिथे जातात तिथे भूकंप होतो."
महाजन पुढे म्हणाले,
"आपत्ती व्यवस्थापन विभागात साडेतीनशे फाईल असल्याचे ते सांगतात, पण त्यांच्या बोलण्याला आता कोणीही विश्वास ठेवत नाही. माझ्यावर कोणत्याही पेंडिंग फाईल्स नाहीत. त्यांनी आरोप केल्यास ठोस पुरावे द्यावेत."
🔁 इतर मुद्द्यांवर महाजन यांची भूमिका:
-
सुधाकर बडगुजर प्रकरणावर: "त्यांनी स्वतः मुख्यमंत्र्यांना भेटून यादी दिली. पण त्यांच्या मनात किंतु-परंतु असल्यामुळेच ते बाजूला झाले."
-
पडघा वादावर: "मुख्यमंत्री स्वतः लक्ष ठेवून आहेत. काही अतिरेकी कारवाया तिथे सुरू आहेत. संबंधित कंत्राटदाराचा माझ्याशी काही संबंध नाही."
-
महायुतीबाबत: "महायुती मजबूत आहे. संजय राऊत यांनी पक्ष संघटनांकडे लक्ष द्यावे. यावेळी इतिहास घडेल."
.png)
.png)
0 टिप्पण्या