— नदीम शेख याच्या अकस्मात मृत्यूने कुटुंबियांत हंबरडा, परिसरात हळहळ
जळगाव न्यूज | जळगाव शहरातील मेहरूण तलावात शनिवारी दुपारी पोहताना बुडालेल्या मोहम्मद नदीम शेख (वय २४) या तरुणाचा मृतदेह तब्बल १८ तासांच्या शोधमोहीमेनंतर रविवारी सकाळी आढळून आला. पाण्यावर तरंगताना मृतदेह दिसताच महापालिकेच्या अग्निशमन कर्मचाऱ्यांनी तो बाहेर काढला. घटनास्थळी आणि नंतर शासकीय रुग्णालयात नातेवाईकांनी आक्रोश केला, त्यामुळे वातावरण गहिवरून गेले.
🏊♂️ मित्रांसोबत गेलेल्या नदीमचा खोल पाण्यात अंत
शनिवारी दुपारी २ वाजता नदीम शेख आपल्या मित्र आणि नातेवाईकांसह तलावावर गेला होता. उकाडा असल्याने सर्वजण अंघोळीसाठी पाण्यात उतरले. सुरूवातीला नदीम काठावर थांबला होता, मात्र नंतर पाण्यात गेल्यानंतर त्याला दम लागल्याने तो खोल पाण्यात गटांगळ्या खात बुडाला. मित्रांनी मदत करण्याचा प्रयत्न केला, परंतु तोवर उशीर झाला.
🚨 रात्रभर शोधमोहीम, सकाळी मृतदेह सापडला
शोधासाठी महापालिकेचा अग्निशमन विभाग, आपत्ती व्यवस्थापन पथक आणि जिल्हा आपत्ती व्यवस्थापन विभाग रात्रभर कार्यरत होते. अखेर रविवारी सकाळी ७ वाजता नदीमचा मृतदेह पाण्यावर तरंगताना दिसून आला.
👪 कुटुंबीयांचा आक्रोश
नदीमचा मृतदेह पाहून कुटुंबीयांनी रुग्णालयात एकच आक्रोश केला. नातेवाईक आणि परिसरातील नागरिक मोठ्या संख्येने उपस्थित होते. याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
मृत: मोहम्मद नदीम शेख (वय २४)
-
घटना: मेहरूण तलावात बुडून मृत्यू
-
शोधमोहीम कालावधी: सुमारे १८ तास
-
प्रकरणाची नोंद: एमआयडीसी पोलिस ठाण्यात
.png)
0 टिप्पण्या