राष्ट्रीय स्वयंसेस संघ,किनगाव मंडळाच्या वतीने दि. २५ रोजी विजयादशमीच्या उत्सवाचे आयोजन किनगाव येथे बाजीराव नगरात केले होते.या उत्सवासाठी मंडळातील किनगांव,साकळी सह परिसरातील २५ -२६ गावांमधील जवळपास १५० ते २०० गणवेष धारी युवक,पुरुष व जेष्ठ स्वयंसेवक उपस्थित होते.
यावल / जळगाव: जिल्ह्यातील यावल तालुक्यात कायदा आणि सुव्यवस्था पायदळी तुडवण्याचा एक गंभीर प्रकार समोर आला आहे. किनगाव येथे प्रशासनाची कायदेशीर परवानगी घेऊन काढण्यात आलेल्या राष्ट्रीय स्वयंसेवक संघाच्या (RSS) वार्षिक पथसंचलनाला एका विशिष्ट गटाकडून अचानक तीव्र विरोध करण्यात आला. रस्ता अडवून केवळ संचलनात अडथळाच निर्माण करण्यात आला नाही, तर परिस्थिती चिघळवून दगडफेकीचा प्रयत्न झाल्याने परिसरात काही काळ एकच तणाव निर्माण झाला होता.
मिळालेल्या माहितीनुसार, दरवर्षीप्रमाणे यंदाही किनगावमध्ये संघाचे पथसंचलन पूर्वनियोजित आणि कायदेशीर मार्गावरून अत्यंत शिस्तीत मार्गस्थ होत होते. मात्र, संचलन जात असताना काही समाजकंटकांनी आणि महिलांचा आडोसा घेतलेल्या जमावाने अचानक रस्ता अडवला. संविधानाचा आणि कायद्याचा बुरखा घालून घोषणाबाजी करणाऱ्या या उपद्रवी घटकांनी प्रशासनाचे नियम धाब्यावर बसवले. संघाने आधीच कायदेशीर परवानगी घेतली असल्यामुळे पोलीस प्रशासनाला याची पूर्वकल्पना होती, अन्यथा परिस्थिती आणखी हातघाईवर गेली असती, अशी चर्चा आता संपूर्ण तालुक्यात रंगली आहे.
दगडफेक आणि पोलिसांचा लाठीमार
वाद वाढत असल्याचे लक्षात येताच स्थानिक पोलिसांनी आणि प्रशासकीय अधिकाऱ्यांनी जमावाला शांत करण्याचा प्रयत्न केला. परंतु, ऐकण्याच्या मनस्थितीत नसलेल्या उपद्रवी लोकांकडून अचानक दगडफेक सुरू करण्यात आली.
घटना अत्यंत संवेदनशील बनल्याचे पाहताच जिल्हा पोलीस प्रशासनाने तातडीने कठोर पावले उचलली. जिल्हा पोलीस अधीक्षक श्रीकांत धिवरे, अपर पोलीस अधीक्षक संदीप गावित आणि उपविभागीय अधिकारी अनिल बडगुजर यांच्या मार्गदर्शनाखाली भुसावळ, यावल व रावेर परिसराचा मोठा पोलीस फौजफाटा अवघ्या काही वेळात किनगावमध्ये धडकला. कायदा हातात घेऊ पाहणाऱ्यांना पांगवण्यासाठी पोलिसांनी सौम्य लाठीमार करत तातडीने परिस्थिती आटोक्यात आणली. यानंतर अत्यंत कडक पोलीस बंदोबस्तात ठरलेले पथसंचलन सुरक्षित पार पाडण्यात आले. पोलिसांनी याप्रकरणी काही जणांना ताब्यात घेतले असून कसून चौकशी सुरू आहे.
मीडियाच्या भूमिकेवर तीव्र संताप
एका बाजूने सुनियोजितपणे कायद्याला विरोध करायचा, रस्ता अडवायचा आणि दगडफेक करायची आणि त्यानंतर काही मोजक्या माध्यमांनी या घटनेला "दोन गटांत हाणामारी" किंवा "आपसातला वाद" असा रंग द्यायचा, यावर सुबुद्ध नागरिकांमधून तीव्र संताप व्यक्त होत आहे. उघडपणे एका बाजूने केलेला उपद्रव असताना त्याला तटस्थ वादाचे रूप देणे म्हणजे वस्तुस्थिती लपवण्याचा प्रकार असल्याचे बोलले जात आहे.
पोलीस अधीक्षकांचे स्पष्ट निर्देश: अफवांवर विश्वास ठेवू नका
सध्या किनगाव परिसरात पोलीस छावणीचे स्वरूप आले असून, मोठा बंदोबस्त तैनात करण्यात आला आहे. परिस्थिती पूर्णपणे नियंत्रणात आहे. जिल्हा पोलीस अधीक्षक श्रीकांत धिवरे यांनी नागरिकांना स्पष्ट शब्दांत आवाहन केले आहे की, "कुणीही अफवांवर विश्वास ठेवू नये किंवा सोशल मीडियावर चुकीच्या पोस्ट शेअर करून तणाव निर्माण करू नये." अफवा पसरवणाऱ्यांवर सायबर सेलची कठोर नजर असून त्यांच्यावर तात्काळ कायदेशीर कारवाई केली जाईल, असा सज्जड दमही प्रशासनाने दिला आहे.
.png)
0 टिप्पण्या