Chopda News 🐪 कत्तलीसाठी घेऊन जाणाऱ्या १८ उंटांची चोपड्यात सुटका; २ अटकेत

🚓 गोरक्षकांच्या सतर्कतेने कत्तलीपासून वाचले १८ उंट
📍 चोपडा तालुक्यात ग्रामीण पोलिसांची कारवाई
💰 २९ लाखांचा मुद्देमाल जप्त

चोपडा : शिरपूरहून चोपड्याकडे येणाऱ्या दोन आयशर गाड्यांमधून निर्दयीपणे कोंबून कत्तलीसाठी नेले जात असलेले एकूण १८ उंट गोरक्षकांच्या सतर्कतेमुळे व पोलिसांच्या तत्काळ कारवाईमुळे जीवंत अवस्थेत वाचवले गेले. ही घटना रविवारी १ जून रोजी दुपारी १:१५ वाजता चोपडा तालुक्यातील गलंगी गावाजवळ उघडकीस आली.

गुप्त माहितीच्या आधारे चोपड्यातील गोरक्षक जिग्नेश कँखरे, संग्राम परदेशी, पंकज नरवाडे, दीपक माळी, पप्पू बडगुजर, तुषार बडगुजर, पीयूष पाटील आणि भूषण भोई यांनी चोपडा ग्रामीण पोलिसांशी संपर्क साधून कारवाईची मागणी केली. त्यानुसार पोलिसांनी सीजी ०४ पीवाय-४०४३ व सीजी ०४ पीपी-४०४३ या क्रमांकांच्या आयशर गाड्यांना गलंगी गावाजवळ अडवले असता, त्यात कोंबलेल्या अवस्थेत १८ उंट आढळून आले.

पोलिसांनी गाड्या ताब्यात घेऊन उंटांची सुटका केली. या कारवाईत एकूण २९ लाखांचा मुद्देमाल जप्त करण्यात आला आहे. यामध्ये ९ लाखांचे १८ उंट आणि २० लाख किमतीच्या दोन आयशर गाड्यांचा समावेश आहे.

आरोपींची नावे अशी:

1. हरी नायक मोतीलाल नायक (वय ३५), रा. खजराना रोशन नगर, इंदोर

2. खालिद खान खलील खान (वय ४०), रा. नोशराबाद कॉलनी, देवास

3. सद्दाम फकरू बागवान (वय ३३), रा. कैसुर, जिल्हा धार

हे तिघे आरोपी उंटांना मध्यप्रदेशातून मालेगावकडे कत्तलीसाठी नेत असताना पोलिसांनी अटक केली. उंटांची स्थिती अत्यंत दयनीय होती. त्यांना पाण्याची व अन्नाची व्यवस्था न करता गाडीत कोंबून नेले जात होते.

पोलिस निरीक्षक कावेरी कमलाकर यांच्या मार्गदर्शनाखाली ही कारवाई पार पडली. उंटांना सध्या चोपडा शहरातील राम गोपाल गोशाळेत हलवण्यात आले असून, तिथे त्यांची योग्य देखभाल केली जात आहे.

या प्रकरणात पोलिस हेडकॉन्स्टेबल घनश्याम पवार यांच्या फिर्यादीवरून प्राण्यांचा छळ प्रतिबंध कायदा १९६० चे कलम ११ (१) (सी)(डी)(ई)(एफ), महाराष्ट्र पशु संरक्षण अधिनियम कलम ५ ए, बी, तसेच मोटर वाहन कायद्याखाली गुन्हा दाखल करण्यात आला आहे.

पुढील तपास पोलिस नाईक शशिकांत पारधी करीत आहेत. गोरक्षकांनी या घटनेत मोठी भूमिका बजावत अवैध प्राणी वाहतूक व कत्तलीवर आघात केला आहे.

✅ जळगाव न्यूज WhatsApp चॅनेलला आजच जॉइन करा! 👉 चॅनेल जॉइन करा - https://whatsapp.com/channel/0029Vb68EiMJJhzR7qNXEn0F

👥 जळगाव न्यूज WhatsApp 📲 ग्रुपमध्ये सामील व्हा - https://chat.whatsapp.com/GPfOU1xWIscHfOTnpd7ouM