🚨 जळगाव जिल्ह्यात १४ दिवसांची जमावबंदी – कोणतीही मिरवणूक, सभा बंद!

जळगाव, २ मे २०२५ – आगामी निवडणुकीचा कालावधी, सण-उत्सव आणि काही अलीकडील घटनांमुळे सामाजिक तणाव वाढू नये म्हणून ३ मे ते १६ मे २०२५ दरम्यान संपूर्ण जळगाव जिल्ह्यात जमावबंदी लागू करण्यात आली आहे. मुंबई पोलीस अधिनियम १९५१ चे कलम ३७(१) व (३) अंतर्गत ही कारवाई करण्यात आली आहे.

अपर जिल्हादंडाधिकारी गजेंद्र पाटोळे यांनी दिलेल्या आदेशानुसार, याच काळात पाच किंवा अधिक व्यक्तींच्या जमाव, सभा, मिरवणुका, शस्त्र बाळगणे, आणि दाहक साहित्य किंवा भडकावू साहित्य प्रसारित करणे यावर बंदी राहणार आहे.

🛑 वगळण्यात आलेले कार्यक्रम:

शासकीय कार्यक्रम

धार्मिक मिरवणुका

प्रेतयात्रा

विवाह मिरवणुका

(या सर्वांसाठी पोलिस अधीक्षकांची पूर्वपरवानगी आवश्यक आहे.)

✅ सूट मिळणारी व्यक्ती:

वयोवृद्ध नागरिक

अपंग व्यक्ती

वैद्यकीय कारणास्तव सहाय्यक साधनांचा वापर करणारे

८ ते १६ मे दरम्यान येणारे सण, जयंती, सांस्कृतिक आणि धार्मिक कार्यक्रम लक्षात घेता ही खबरदारी घेतल्याचे प्रशासनाकडून स्पष्ट करण्यात आले आहे.